Буржуазія задаволена не да канца. Узі Вайль

Майстар кароткай прозы, ізраільскі пісьменнік і сцэнарыст Узі Вайль добра вядомы беларускаму чытачу па публікацыях у газетах “Наша Ніва” і “Мы яшчэ тут!”, а таксама ў часопісе ARCHE.

За апавяданні раней браліся многія беларускія пісьменнікі. Выглядала так, што, не напісаўшы твора кароткай формы, не зможаш узяцца за аповесць ці раман. Такая прыступка: маўляў, усё трэба рабіць па нарастанні. Сёння кароткую прозу ўсё яшчэ пішуць часта. Праўда, нярэдка яна зводзіцца да звычайных назіранняў, а то нават і да формы пастоў у сацыяльных сетках.

У кнізе сабраныя апавяданні і скетчы аўтара, якія моцна розняцца паводле метаду: адны з іх – рэалістычныя, іншыя – фантастычныя, трэція – містычныя, але ўсе яны маюць справу з няўлоўнай сутнасцю шчасця, кахання, смерці і болю.